مرة واحد بيعدي الشارع مع صحابه خبطته عربية مات. نقوا واحد منهم عشان يقول لمراته فراح لها فتحت له الباب قال له: "جوزك ضيع كل فلوسه ع القمار" قالت له: "إلهي ينشل البعيييد!" قال لها: "و باع البيت" قالت له: "إلهي يبيعوا عنيه!" قال لها: "و اتجوز عليكي على فكرة" قال له: "إلهي يدخلوا عليا شايلينه" الراجل قال: "بس..خشوا يا شباب..."
واحد و مراته متخانقين فبطلوا يكلموا بعض، الزوج كتب ورقة "صحيني الساعة 6:30 عشان عندي شغل" و حط الورقة على السرير و نام صحي الساعة 10:00 فلقى ورقة مكتوب عليها "الساعة 6:30 يلا اصحى"
في واحد مفلس ومنحوس ماشي في الطريق فلقى عربية عاملة حادثة، ولما شاف الضحايا، ففكر انه يقطع ودنه ويحطهاقدامه عشان ياخذ التعويض، وبعد ما عمل كده اكتشف انهم بيصوروا فيلم سينمائي
واحد مسطول بيقول لصاحبه مش عارف يا أخي عود الكبريت ده ما بيولعش ليه مع إنه لسه مولع من شوية!
مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين
مرة واحد مسطول واقف قدام التلاجة بيفتح الباب بتاعها براحةويقفلة تانى جة صاحبة وقالة لية كدة قالة اموت واعرف مين بيطفى النور من جوة
رئيس دوله صغيره راح زياره للصين رئيس الصين بيقله احنا عددنا 900 مليون نسمه انتو عددكم كام رد رئيس الدوله احنا 30 ألف راح رئيس الصين قاله يا راجل طب مجبتهمش معاك ليه
مرة فيل و ميت نملة بيلعبوا كورة الكرة نطتتا الكورة فوق نط الفيل شاطها باك ورد نزل الفيل علي الميت نملة طلعت واحدة من الضحايا قالتلوا :هتلعب عدل ولا نلعب تكسير
............................................................
(اقرو الحوار ده) حوار بين فلاح مصري ومذيعة مصرية برده
المذيعة : نتعرف بحضرتك
الفلاح : عوضين
المذيعة :ممكن تقولنا بتأكل البقر ايه ؟
الفلاح : أي بقر الأحمر ولا الأبيض
المذيعة : الأحمر
الفلاح : بأكله برسيم
المذيعة : طب والأبيض
الفلاح : برده برسيم
المذيعة : طب ممكن تقولنا بتنيمهم فين
الفلاح : الأحمر ولا الأبيض
المذيعة : الأحمر
الفلاح : في العشة اللي هناك دي
المذيعة : طب والأبيض
الفلاح : برده في العشة اللي هناك دي
المذيعة : طب بتفسحهم ازاي
الفلاح : الأحمر ولا الأبيض
المذيعة : الأحمر
الفلاح : بلففهم حولين الساقية
المذيعة : طب والأبيض
الفلاح : برده بلففهم حولين الساقية
المذيعة: هو أنا ليه كل أما أسألك سؤال تقولي الابيض ولا الحمر وفي الاخر بتطلع
بتعاملهم نفس المعاملة ؟
الفلاح : أصل البقرالاحمر بتاعي
المذيعة : طب والأبيض
الفلاح : برده بتاعي
أرجو أن تنال إعجابكم وأنتظر الردود
